اسهل طريقة لعمل الحلويات

 قرص بالسمسم 

قرص بالسمسم

بمكونات اقتصادية ومتوفرة فى كل بيت بدون بيض ولا زبدة ولا لبن ، بنص كيلو دقيق هنعمل كمية كبيرة منه

المقادير :

نص كيلو دقيق ( ٥٠٠ جرام)

ربع كوب(٥٠ جرام) سكر

نص كوب (١٢٠ مل ) زيت

كوب ماء دافئ (٢٤٠ مل)

معلقة كبيرة خميرة فورية

معلقة صغيرة بيكنج بودر 

معلقتين كبار لبن بودرة ( اختيارى)

معلقة صغيرة فانيليا (اختيارى)

رشه ملح

الحشو :

٤ معالق كبار سكر + معلقتين كبار دقيق

الحشوة التانية :

٣ معالق كبار من السكر + معلقة صغيرة مليانة قرفة

يمكن كمان وضع معلقه كبيرة دقيق سميد مع حشوة القرفة

أو حشو القرص بمكسرات أو جوز هند مع السكر

سائل التغميس :

معلقتين كبار سكر مع ٣ معالق كبار ماء

للوجه :

سمسم محمص

الفرن على ٢٠٠ ( ١٨٠ لو بمروحة) بتاخد حوالى ربع ساعة

الطريقة :

 يتم إضافة كل المواد الجافة معاً ، ثم يتم إضافة الزيت وتبس مع الدقيق

 وبعدين نضيف الماء الدافئ ونعجن جيداً حتى الحصول على عجينة ملساء

تترك لتخمر حوالى ساعة حتى يتضاعف حجمها

يتم التقطيع لكور صغيرة وحشوها ووضعها فى سائل التغميس ثم السمسم

ويتم فردها قليلا فى صاج الخبز ، وتترك نص ساعه أو أكتر لتخمر مرة أخرى ثم توضع فى الفرن للتسوية

أول ما تخرج من الفرن يتم تغطيتها بفوطة لتحافظ على طراوتها.وبالهناء